刈Bao台式創意小食 (Closed)

漢堡款式日新月異，就連中式既漢堡「刈包」都大攪新意。平時成日食西式漢堡，食到悶悶地，今次就係葵廣試下刈包。本身想試手撕豬，可惜無哂貨，結果同朋友揀左一個手撕牛，另一個係黑松露雞。$30@2手撕牛既肉好瘦，入口唔會覺得油膩，味道有D似滷水牛𦟌。肉質雖然淋，但由於D肉絲係順紋撕出黎，所以有D難咬得開。黑松露雞既松露味超濃，如果中意松露既朋友一定好中意。雞粒帶少少忌廉，所以整體食落唔會覺得好乾，可以一試。饅頭質感好軟熟，不過餡料味濃，唔會食得出麵包本身既味道。