皇玥

Open Now

Now Closed

中秋節好快來臨， 當然緊係要食下月餅應下節啦! 一向好鍾意食月餅嘅我， 好鍾意試下新嘢。元朗新開咗間皇玥月餅， 聽到個名都覺得好高檔， 充滿貴氣。裝修高貴華麗，燈光柔和得黎還帶點情調，感覺浪漫優雅。 服務員解答清晰，願意協助，服務一流。陳列月餅設計非凡， 不同種類嘅月餅嘅盒各有不同， 可見花了不少心思。除了月餅之外還有曲奇禮盒， 蝴蝶酥等等。如果送禮既話又可以多一個選擇。香港製造，品質保證， 仲有米芝蓮二星大廚操刀，真係好犀利。今日買咗盒流心貓山王榴槤月餅， 見到個名都覺得好吸引。 鍾意食榴槤嘅我，點會放過食貓山王榴槤月餅呀個盒非常精美華麗，好似一個化妝盒咁， 即使食完個月餅，個盒都可以留返黎放飾物，因為實在太美喇。一盒裏面有六個， 上層三個下層三個， 每個都各有獨立包裝， 標籤上亦都清楚列明月餅嘅名稱， 還有一張leaflet簡單介紹。月餅甜度適中，相對比起原始嘅月餅冇咁甜，奶王味好香， 榴槤真係流心架，貓山王味都幾清香， 如果可以再多啲就好月餅款式都多和幾特別， 價錢非常大眾化， 三百幾蚊有呢啲質素真係物超所值。