皇玥

Open Now

Now Closed

皇玥 Imperial Patisserie📍 香港元朗康景街3號地舖 (元朗店)公司每年都會送皇玥嘅月餅賀中秋，今年收到嘅係低糖系列，聽落健康啲，食落都少咗啲罪疚感！等我趕喺正日祝大家中秋節快樂先！💰$418低糖系列 — 低糖醇香四色月餅 🥮呢款低糖系列嘅迷你月餅一盒有八隻，每隻味道各有兩隻，口味如下：低糖奶黃低糖芝麻低糖綠茶月餅低糖烏龍茶月餅今次試咗佢招牌嘅奶黃味，同特別啲嘅烏龍茶味，對比起正常版嘅奶黃月餅，呢隻月餅冇咁甜，但奶黃味一樣咁香，食前叮一叮，啲黃流哂出嚟，好味！而烏龍茶味就有啲令人失望，因為茶味本身都比較苦，仲要低糖版，個口咁好粉唔知食緊咩咁，但個皮都係好食嘅，唔會好油膩。見近年都比較多人買黃玥嘅月餅送禮或自用，但好似已經冇幾年前食咁好味，希望下年有更多新口味推出嘅同時，舊有嘅口味可以保持水準啦！

臨近新年見到Asia miles可以換皇玥賀年禮盒就換咗一個金裝禮盒黎試下😆(但係Asia miles見到呢個禮盒有埋脆曲奇，原來無的🤦)試咗原味蛋捲，原味蝴蝶酥，伯爵茶蝴蝶酥同黃金脆條～原味蛋捲蛋捲偏薄身，口感比較鬆化，蛋味比牛油味突出，以天然成分無添加嚟講都算好食既～原味蝴蝶酥個人認為牛油味唔夠香，口感太硬脆變咗冇乜酥點應該有嘅層次😅伯爵茶蝴蝶酥伯爵茶味濃郁，但係同樣太硬脆冇乜層次～黃金脆條面頭滿佈白芝麻好香👍 食得出鹹蛋黃味，口感同蝴蝶酥幾相似，但因為呢個叫“脆條” 所以口感偏硬脆我就覺得好合理同幾好食☺️原價一盒要$298，裡面得8小包加埋180克，真心幾貴🙈不過佢新年前keep住做promote買三送一，雖然都唔係平但感覺會良好啲抵啲😂

每年必買皇玥月餅與家人共度中秋佳節🌙🥮碧綠流心雙輝月餅🥮流心奶黃月餅+流心綠茶月餅（各4個）🤗必食嘅招牌奶黃月餅😎室溫下都能呈現如絲般柔滑流心效果😍內餡色澤金黃🍳濃濃嘅奶皇鹹蛋香🥮流心綠茶月餅🥮選用日本上等綠茶🍵經過多重烘焗炮製每啖都令人沉醉茶香醇厚當中😌🥮低糖迷你奶黃月餅🥮（4件裝） 食月餅最怕糖份高😅採用麥芽糖醇🍯呢款大幅減低糖份並控制在5％之內食得健康之餘💪🏻入口仲保留奶黃月餅軟滑口感😙🥮流心貓山王榴槤月餅🥮（6件裝）選用頂級貓山王榴槤肉👍🏻榴槤肉加入奶黃做成流心醬和奶黃餡☺️令口感如絲般軟滑嘅流心🥰齒頰留香之餘😚同時散發奶黃香味

去到元朗呢間有不少海報，傳承經典餅藝，門面光鮮皇玥。入去做緊不少新春優惠，買三送一，於是先買一盒新年經典精選禮盒嚐嚐。包裝穩妥，紙盒入面仲有層膠盒，分別有2包原味蝴蝶和黃金脆條。原味蝴蝶酥：一包有4件，保持靚靚蝴蝶形狀，表面光滑，食落香甜脆口。黃金脆條：同樣有4件，頂層佈滿白芝麻，牛油鬆化，中間帶有絲絲咸蛋香味。難得的是，兩款酥餅食起上黎方便，酥碎不會散到周圍都係，可以食得淑女優雅！總括而言，皇玥新年禮盒味道不錯，包裝得體，送禮一流。

昨天去了元朗市中心辦年貨，準備迎接農曆新年，行經康景街看到有間賣賀年食品的皇玥，有好多禮盒裝，新年用來在家招呼親友或送禮都好合適，而這裡賣的有中式和西式糕餅，款式多元化。入到店舖感覺裝修雅緻時尚，地方好闊落好潔淨，是新派餅店，這裡環境令人睇同買都好開心。這店舖有賣多款禮盒及季節性限定食品，包括節日系列、精選禮盒系列、囍餅系列、蝴蝶酥系列、蛋卷系列、薄脆系列、唐果子系列、脆曲奇系列等，款式實在太吸引，買來送禮或同屋企人享用都好合適。我在店內看了好耐，因為太多選擇啦！ 到最後我決定買了  [ 新年品味精選禮盒  $198 ]  ，這個組合內容包括 : 黃金脆條、薄脆 (檸檬、伯爵茶)  及 蝴蝶酥 (原味) 。禮盒裡面所有餅都是用獨立包裝，乾淨衞生，蝴蝶酥及脆條每四件為一小包，薄脆每八件為一小包。黃金脆條是把新鮮鹹蛋黃焗熱碾碎，融入一層層充滿牛油香的酥皮中，酥皮表面加上一層薄薄的白芝麻，食起來感覺有好多層，而最愛鹹蛋黃食品既我，鹹香味十足，而且香香脆脆，好鬆化，口感豐富，好惹味！禮盒內的薄脆有檸檬味及伯爵茶味，是以法國天然牛油及優質麵粉製成，每一塊薄脆都金黃色，香脆可口，吃起來帶有牛油香，

疫情下的新年有限聚令，有禁堂食，連年宵都叫停，今年的新年應該在疫情的陰霾下度過，雖然不能跟親朋戚友團聚，但心意就一定要加倍。今次就去了皇玥買年禮，一方面大方得體，另一方面又比傳統的年禮更添心意，甜點比較新穎，適合一家大細品嚐。我自己先買了一盒試下，一盒有四款甜點，包括了蝴蝶酥、曲奇、黃金脆條及蛋卷，一次過可以試到多款口味，而且全部都有獨立包裝，乾淨又方便。全部甜點都唔會太甜，比較健康。蝴蝶酥有原味及紫菜味，入口香脆，充滿牛油香。曲奇有椰絲及紫菜味，椰絲較香，而且鬆脆。黃金脆條充滿咸蛋香，有點似千層酥。蛋卷有我至愛的伯爵茶，茶味清香加上牛油香，真係無得頂。如果過年我收到這份年禮一定比收到行到爆的傳統朱古力、曲奇開心一百倍，至少會吸引到我去食。

又係到中秋食月餅的時間，傳統月餅有自己嘅回憶，但係新一派都有自己嘅味道。今日系元朗皇玥買咗一盒經典流心月餅。入到店內非常乾淨，擺得一盒一盒好整齊，見到好多客人都一早打電話嚟訂咗之後入嚟攞，非常方便。從個盒外到內都佈置得非常之靚，好精緻。盒月餅分開兩層，每層有三個。一開個袋已經聞到好香嘅月餅味，一邊蛋黃嘅濃郁加上流心嘅餡。我知道店內仲有好多其他選擇，例如有我最愛嘅貓山王榴槤味道，其實用嚟送禮都係唔錯嘅選擇，因為個盒真係好靚。店內入邊好多其他餅類，建議大家去分店行一行，一定會有一款啱你，仲可以買現金卷。

皇玥係由奶黃月餅之父同佢唯一傳承者攜手研發嘅，五星級酒店嘅享受，實力的確有番咁上下！適逢中秋節，一定要試下佢地嘅月餅🥮入到店內，店員都十分殷勤咁介紹每一樣產品，仲做緊中秋promotion。時尚系列：陳皮紅豆沙月餅 • $328呢個係今年新出嘅系列，每盒有6個50g月餅，禮盒顏色十分搶眼典雅，俾人感覺高貴精緻，而且仲可以化身成首飾盒。呢款月餅選用頂級紅豆，用左20年嘅陳皮同埋有機南瓜子，入口首先食到紅豆沙幼滑清香，然後南瓜子香脆，最後配上陳皮清香，陳皮味道仲會停留係口腔一陣，口感層次分明，最緊要係唔會膩，食得出係用心製作，支持香港製造✊🏻

看到地鐵廣告已經覺得好吸引，有兩名大師傅座陣， 一位是奶皇月餅始創人、前半島大師傅葉永華，另一位是米芝蓮二星大廚黎永冠大師傅，而且其「流心奶皇月餅」和「流心芝麻月餅」還拿下了「全球最高金獎」！那我知道今年應去那裡買月餅送禮了！看到店舖資料知道元朗/屯門都開了分店，實在太方便我了，於是我就去了位於元朗康景街的分店先買位月餅自食，和看看其他產品和優惠。看到賣相漂亮的《經典留心雙輝月餅 $288》就知道老婆一定喜歡！而且有打開有兩層，上層有三個迷你流心奶黃用餅，下層就另有三個流心芝麻月餅。不用翻熱都已有流心效果，以法國天然牛油和頂級鹹蛋黃秘製果然另捨不同，奶黃香濃滑溜，鹹蛋又香；黑芝麻更加經多重工序秘製，特別又不膩！

中秋節好快來臨， 當然緊係要食下月餅應下節啦! 一向好鍾意食月餅嘅我， 好鍾意試下新嘢。元朗新開咗間皇玥月餅， 聽到個名都覺得好高檔， 充滿貴氣。裝修高貴華麗，燈光柔和得黎還帶點情調，感覺浪漫優雅。 服務員解答清晰，願意協助，服務一流。陳列月餅設計非凡， 不同種類嘅月餅嘅盒各有不同， 可見花了不少心思。除了月餅之外還有曲奇禮盒， 蝴蝶酥等等。如果送禮既話又可以多一個選擇。香港製造，品質保證， 仲有米芝蓮二星大廚操刀，真係好犀利。今日買咗盒流心貓山王榴槤月餅， 見到個名都覺得好吸引。 鍾意食榴槤嘅我，點會放過食貓山王榴槤月餅呀個盒非常精美華麗，好似一個化妝盒咁， 即使食完個月餅，個盒都可以留返黎放飾物，因為實在太美喇。一盒裏面有六個， 上層三個下層三個， 每個都各有獨立包裝， 標籤上亦都清楚列明月餅嘅名稱， 還有一張leaflet簡單介紹。月餅甜度適中，相對比起原始嘅月餅冇咁甜，奶王味好香， 榴槤真係流心架，貓山王味都幾清香， 如果可以再多啲就好月餅款式都多和幾特別， 價錢非常大眾化， 三百幾蚊有呢啲質素真係物超所值。

之前網上見到 皇玥餅藝 嘅介紹 ，已經很想 一試，新界特登出去尖沙咀或銅鑼 ，真的有點遠 😅原來喺元朗已經開咗分店啦，好大好靚😍😍喺嘉麗園隔離非常方便 這個品牌是出自米芝蓮餅藝大師 黎永冠師傅 的出品 蝴蝶酥當然係佢哋嘅signature 😋😋蝴蝶酥竟有12款口味 😱😱真係滿足曬所有人嘅要求 🤗🤗店員超Nice，不斷介紹，同有試食，試咗幾隻味🤭🤭非常乾淨啊，喺取食物之前，店員會用酒精搓手液，我哋就拎張紙巾，絕對唔會掂到手仔㗎👍👍👍最後揀咗原味，佢哋採用法國天然牛油製作 非常鬆脆 ，酥皮脆卜卜 😝😝真係一食返唔到轉頭 🤩🤩店舖裝修時尚 ，走輕人路線！店員亦非常友善 ，仲為我介紹其他產品添 👍👍佢哋仲有蛋捲同曲奇系列 🧈🥨而且包裝都好精美呀 用嚟做送禮都不失為一個很好的選擇！我就即刻諗到 蝴蝶酥配上我自家手調咖啡 做下午茶 ☕️真係絕配😌😌🤭🤭原來佢哋仲有月餅㗎！奶黃月餅亦都係佢哋嘅熱賣產品 ，就快中秋又多個選擇！

元朗出名多好嘢食 😋😋另外餅類都非常出名 😬😬最近叧一香港品牌 皇玥餅藝 進駐咗元朗啦 🤭🤭有別於傳統餅店 ，裝修年輕化，時代感重 ，有格調，而且包裝非常精美 👍👍當然唔淨係得外表拉，米芝蓮餅藝師傅 研發，純香港製造 😍😍基本上所有產品都可以試仓食，店員得非常乾淨、專業！ 酒精搓手液，再夾食物😊😊仔仔最愛食蛋卷，原味_蛋捲先 ，食材採用 法國天然牛油，新鮮雞蛋 🥚不添加任何人工色素 ，啱曬小朋友 ☺️☺️'蛋卷蜂巢狀口感更加鬆脆，尺寸上面亦花咗心思 ，不會滿地碎😬😬呢個真係媽媽福音 🤭🤭我家小朋友大讚 ，原來仲有很多其他好味㗎！ 仲要獨立包裝 下次試埋先 另外仲有蝴蝶酥、曲奇 月餅等等其他好多產品 元朗人有福啦😜😜