焗廚 (Closed)

聽朋友介紹之下，第一次黎依間小店食野。舖面比較細，座位只有二十個，所以等一張枱都要大約半個鐘。個人比較鍾意食焗豬排飯，所以就叫左佢既鮮茄焗脆豬排飯。好多鮮茄粒同芝士粒，味道都好新鮮，但個人認為茄味唔大，不過用炸豬排都幾特別。第二道就叫左個 二人份量既豬肋排味道唔錯，好難得可以係小型既食店食到，而且價錢尚可，$138。一邊食野，一邊睇下牆上既菜式，好多食物都值得一試，而且都係有創意既配搭，不過可能焗豬排飯太普遍，所以驚喜唔大，唯有等下次試下其他特別菜式啦