古今二 (觀塘工業中心)

Open Now

Now Closed

朋友知道我鍾意食壽司，就話要帶我去試吓創意壽司，於是就帶出我哋呢一間古今，係位於觀塘嘅分店。天氣咁熱就想食刺身，而佢嘅刺身全部都大件又厚身，啱晒我口味！嗌咗劍魚腩刺身、三文魚腩刺身、吞拿魚刺身全部都鮮嫩柔潤，點少少豉油已經幾好味。芝士炸蝦卷 呢款壽司都真係幾有創意，第一次食到中間包有芝士嘅壽司，入口好濃芝士味，同時有炸蝦嘅香脆同埋彈牙蝦肉，入口幾特別。黑豚肉豬頸肉串肉爽口唔韌，醬油幾香。雜錦天婦羅 有炸蝦、番薯仔、秋葵，炸皮薄脆，蝦大隻。