相見車仔麵館 (Closed)

上完堂，又餓又攰黎個快食先，見到呢間車仔麵，食啲濕濕地有湯既野開胃啲都唔錯。好，坐底睇下有咩好食先，原來除左車仔麵，仲有一人火鍋，下次可以試下。三餸車仔麵59蚊，叫左麻辣大辣夠辣，湯底夠濃味，粗麵食落好爽彈，最緊要係冇鹼水味。魷魚食落好爽脆，花菇肉厚用蠔油炆到入晒味。啲串燒都好吸引咁，叫左一串你雞皮試下，燒到半乾濕，脆得黎唔會dry宇治金時雞蛋仔波波球，冇諗過雞蛋仔可以咁樣食，都真係幾得意，口味又新穎。