街坊Cafe (Closed)

星期日同朋友食餐飯先, 去到街坊cafe點了三款食物, 有兩款貪佢地夠創意, 先是墨魚汁帶子河粉, 然後是五香肉丁焗肉醬意粉。中式河粉食得多, 加埋西式墨汁真係第一次。河粉軟而有咬口, 配以水份充足的海鮮和雜菌, 味道還好, 如果能煮得重墨汁香. 味道更佳。 五香肉丁焗肉醬意粉好好食, 肉碎茄醬很香濃, 配以五香肉丁的微辣, 整件事很夾很惹味! 最後是美國豬仔扒豬仔包三文治, 豬扒軟熟, 包脆, 如果豬扒能去骨再放在包中, 食時會更方便, 薯格可炸少時間一點, 那就能留點水份, 吃時更美味。