SOW

Open Now

Now Closed

位於上環嘅 SOW，將東西方風味完美融合，無論係菜式的創意定係味道嘅層次，都令我好有驚喜。Tapas 叫左賣相好靚嘅月見免治雞肉三食（大阪燒，燒月見，避風塘），冇諗到免治雞肉可以三種唔同嘅煮法出現咁特別。我特別欣賞避風塘味，脆口嘅蒜酥同辣椒，口感香脆辛辣，好有層次。最令我驚喜係西班牙乳豬，之前去葡萄牙餐廳食過一直念念不忘，估唔到今次仲好食。外皮烤得好酥脆，肉質充滿左油脂香氣，配上微酸醬汁，但又唔會過於油膩。俄式牛柳鵝肝煲仔飯將東方嘅煲仔飯同西方的牛柳鵝肝結合，創意十足。牛柳又軟又嫩，鵝肝汁入口即溶，最重要係佢嘅飯焦竟然係香脆，我真係好欣賞。最近迷上左開心果甜品，食埋朱古力心太軟配開心果雪糕簡直係完美嘅句號。開心果雪糕口感順滑，同朱古力的濃郁相得益彰，甜而不膩，實在令人回味無窮。兩杯Mocktail Jojo Tea同Pancoya，都好有個性同層次！如果你搵緊一間兼具創意同美味的餐廳，SOW 絕對值得一試。