新樂園魚蛋粉 (Closed)

約左老友傾裝修見未夠鐘，加上落大雨又無遮又少少肚餓，路過麵檔是但食碗麵醫醫肚先。見寫住手唧魚蛋喎，就您啦。牛腩魚蛋麵走蔥，招牌菜手唧魚蛋？好奇試一試，不幸地非常失望。腍劈劈又鞋烚烚的魚蛋，味道跟香港仔魚蛋一模一樣既？牛腩是普普通通的滷水牛腩，質地炆得軟棉，味道濃郁，免強過關。驚嚇 S 級超強壓味鹼水麵！雖然爽口，不過股壓味濃烈及刺鼻，我要用大量辣椒油救救先入到口。發現隔離檯兩個阿叔跟我一樣頂唔住，即時發揮創意，整碗湯倒晒去，跟住注入滾茶浸住，變成茶泡麵！第一次見的食法，哈哈﹗阿叔發威有諗頭，勁呀！辣椒油，多謝打救！大量紅紅辣椒肉，香甜不太辣，都幾好味喎。