甘甘好蔗 (Moved) New Location

創意蔗汁飲品手搖店。佢主要都係買蔗汁飲品，又有蔗汁溝咖啡又或者係蔗汁溝其他生果果汁。都見到keep 住有人排隊買，好似幾得咁。蔗杯白桃 $32 餐廳非常創新用咗鮮榨蔗汁，再加埋白桃生果汁。見住佢喺廚房裏面即刻炸蔗汁出嚟，再加上白桃汁同埋白桃嘅粒粒果肉。飲落去味道好新鮮白桃嘅味道都明顯飲得出。蔗杯西瓜$32 一杯嘢飲最特別用咗西瓜汁同埋蔗汁溝出嚟。一樣都係見住佢用新鮮嘅西瓜粒，然後手打成為西瓜汁再加落杯度。西瓜同埋蔗汁嘅味道意料之外夾，又有蔗汁嘅清甜同埋西瓜嘅清新。成杯飲品好適合夏天去飲，感覺好refreshing 。