Lúa (Closed)

行過東角見到呢間餐廳咁靚就入去試下。蟹肉臘腸西瓜炒飯配咸蛋黃醬，餐廳推薦既新品，上菜勁得意搞笑，係個西瓜跌D飯出黎，咸蛋黃醬墊底，而上面就舖上黃金臘腸炒飯，蟹肉左右兩排滿滿的，上頂就排列左西瓜既果肉。口感非常豐富，有臘腸甘荀既顆粒感，有咸蛋黃醬令到D飯唔會太乾，甜甜既西瓜肉入口即融，成個飯消暑得黎，食完唔覺膩。炒鮮牛肉湯河，牛肉鮮味肉嫩，份量多! 另外有一隻生蛋係湯入面，撈埋令牛肉更美味香滑，河粉亦都係滑溜溜。小食自選拼盤，我地選左豬肉春卷、粉包炸兩、柑桔汁雞翼，雞翼大大隻啖啖肉好juicy，外皮香脆加甜甜既柑桔汁好好味。網紋春卷包住豐富既豬肉好滋味，粉皮都幾滑，愛食辣可以沾上醬汁，更有風味。鮮熱情芒果沙冰，鮮青檸沙冰，兩杯都好岩夏天飲，酸酸甜甜夠晒冰凍! 呢度環境舒適好岩傾計，可望街景之餘又有足夠冷氣。如果天氣清涼D可以坐室外位置，更有越南特色同風味。假日餐廳人客都多，預先book 位會比較好。