老爺點心 (Closed)

發現呢間點心撞上去果日話未正式營業，本身不太顯眼要上一層樓先去到鋪入面！有宅男女神周秀娜幫手宣傳，點都會有少少吸睛!之後無心插柳再去一次，當日只不過係黃昏六點左右，所以一個客都未見，餐廳面積唔太大。一行二人點左黑白蝦多士、紅蘿蔔花盆、正常蝦餃同埋和牛酥。唔知係咪自己點既全部都比較乾身同多油，再加上我本身心情又唔多好，攪到食髓不知味重食淨野tim. 先講下蝦多士-蝦膠厚厚的加埋芝士其實係good既，不過始終油炸多士好難做到唔油，所以我唸我以後都唔會食蝦多士。紅蘿蔔花盆即係鹹水角加炸肉，鹹水角做成紅蘿蔔樣，炸肉變成花盆入面既泥，初初我重叫男朋友唔好亂食，又硬又乾應該唔食得可以一讚係佢既心思！還有和牛酥，賣相吸引，牛牛樣活靈活現，我一向好鍾意食酥餅類，只係所用既係咪堅和牛就不得而知還是正常點心始終比較穩陣，全餐最like 蝦餃要一提係因為我地完全無準備就去（至少要睇下人地既食評），侍應只係俾左個點心餐牌我地、到第二枱人黎先見侍應俾另一個黑板寫既餐牌佢地、可惜我地已經落哂order又食唔曬、想試佢啲飯都食唔到！但係埋單都已經四百蚊