Video
Read full review
2019-07-10
33 views
為食團又係時候出動喇，今日我哋做足功課，已經鎖定咗旺角嘅一間新開嘅點心鋪頭，叫做點心廊，因為之前都見到佢有一個點心拼盤非常靚，真係打卡神物，所以就要過嚟試試。一入到呢間餐廳，裝修都幾華麗，我哋坐卡位都非常闊落同舒服一坐低就問我哋飲乜茶，職員馬上就推介我哋試下佢哋嘅桂花烏龍茶，飲落嘅桂花味非常突出，亦有淡淡嘅烏龍茶味，有別於一般茶樓飲到嘅茶，非常推介。點心嘅餐牌我哋都冇乜研究，因爲我哋淨係想叫創意點心拼盤，$198就可以試曬呢度大部分嘅招牌菜，另外再叫左個蒸飯同一個叉燒包。創意六式拼盤。拼盤賣相非常浮誇高雅，精緻嘅點心籠載住蝦餃同鳳眼餃，另外仲有一疊合共八件嘅點心。可以話係每一件點心都有佢嘅賣點，金箔，海膽，鮑魚，燕窩，啤梨等等，果然係有精心設計過，賣相的確係滿分嘅。金箔蟹粉墨汁鮮蝦餃。固然我係第一次食黑色嘅蝦餃，蝦餃外皮用咗墨魚汁製成，墨魚汁都幾香，咬落去充滿蟹粉，加上落埋金箔，外型非常靚仔，十分推薦。海膽鳳眼餃。你可以當成一隻相對普通嘅水餃，但上面放咗兩片海膽，濃郁嘅海膽味令到成個水餃都好好食，亦係推薦。原隻鮑魚雞粒酥。我個人就覺得最好食系呢件，鮑魚非常入味同淋身，鮑魚下面有些少嘅肉
為食團又係時候出動喇，今日我哋做足功課，已經鎖定咗旺角嘅一間新開嘅點心鋪頭，叫做點心廊，因為之前都見到佢有一個點心拼盤非常靚，真係打卡神物，所以就要過嚟試試。
一入到呢間餐廳，裝修都幾華麗，我哋坐卡位都非常闊落同舒服
一坐低就問我哋飲乜茶，職員馬上就推介我哋試下佢哋嘅桂花烏龍茶，飲落嘅桂花味非常突出，亦有淡淡嘅烏龍茶味，有別於一般茶樓飲到嘅茶，非常推介。
點心嘅餐牌我哋都冇乜研究，因爲我哋淨係想叫創意點心拼盤，$198就可以試曬呢度大部分嘅招牌菜，另外再叫左個蒸飯同一個叉燒包。
創意六式拼盤。
拼盤賣相非常浮誇高雅，精緻嘅點心籠載住蝦餃同鳳眼餃，另外仲有一疊合共八件嘅點心。可以話係每一件點心都有佢嘅賣點，金箔，海膽，鮑魚，燕窩，啤梨等等，果然係有精心設計過，賣相的確係滿分嘅。
金箔蟹粉墨汁鮮蝦餃。
固然我係第一次食黑色嘅蝦餃，蝦餃外皮用咗墨魚汁製成，墨魚汁都幾香，咬落去充滿蟹粉，加上落埋金箔，外型非常靚仔，十分推薦。
海膽鳳眼餃。
你可以當成一隻相對普通嘅水餃，但上面放咗兩片海膽，濃郁嘅海膽味令到成個水餃都好好食，亦係推薦。
原隻鮑魚雞粒酥。
我個人就覺得最好食系呢件，鮑魚非常入味同淋身，鮑魚下面有些少嘅肉粒同醬汁，酥皮都好鬆脆，呢件真係不得了。
黃金啤梨鹹水角。
呢件主打賣相，食落味道正常好食嘅，可以當作為迷你嘅鹹水角。
黑白芝麻流心煎堆仔。
咬開左個煎堆都有好澎湃嘅黑芝麻餡，作為甜品都算唔錯。
一口燕窩蛋撻。
燕窩堆到成座山咁高，咬落有淡淡嘅燕窩味道，呢個同樣都係食埋相同食矜貴嘅感覺。
竹炭叉燒包。
同場加映，黑色嘅竹炭叉燒包，重點系竹炭包非常鬆脆，配住叉燒餡料嚟食很好食，都係推薦。
沙薑北菇蒸滑雞飯。
呢個雞飯就相對普通的，賣點冇上面嗰啲點心咁犀利，但都係合格有餘嘅。
總結，餐廳環境華麗，點心有創意有特色，盡顯奢華，絕對啱曬啲打卡嘅朋友，同時創意點心嘅質素非常高，大部份有深刻嘅印象同好食既，絕對係誠意之作。
Post
