Video
Read full review
2018-07-11
988 views
黃埔呢個地方，最近都聲名大噪，大家都發現紅磡黃埔呢區都好多好野食，加上起埋港鐵站，大家都紛紛黎覓食。但其實係未有港鐵站前，黃埔就已經係一個成熟既小社區，除左可以滿足居民既日常生活外，仲有小型既黃埔商場，其中黃埔美食坊，就有好多中高級既美食選擇喇！ 今次我地好想食中菜，就黎左比較有信心保證（大集團比較多分店吧），名館Ming Bistro，試一試佢既質素！閒日等左幾張枱就可以入座了，客人都很多，我地被安排坐左張位於角落的四人枱，都算寬闊！入座後，店員主動為我地加茶，係麥茶，帶有陣陣濃郁既小麥味，聞落清香簡樸，飲完令人心曠神宜,感覺好舒服，打開胃口，準備食餐豐盛既晚餐！ 前菜方面，我地叫左「京川汁秋葵 $48」，京川汁，混合北京同四川既風味，酸酸的，又帶點辣味，加上外皮爽口、內裡黏稠既秋葵，確實係健康又適合夏天既小食！ 之後再叫了「五仁口水雞 $68」，個汁辣度適中，微辣已經好開胃，雞件好幼嫩，食落好滑，好快就比大家搶食一通了！ 「黑金流沙包 $48」賣相好吸引，有一種型格時髦既感覺。墨黑色既外皮，加上金光閃閃的點綴，彷似用畫筆在包上作畫。咬落去奶黃馬上傾出，造出流沙效果，香甜又綿密既流沙
今次我地好想食中菜，就黎左比較有信心保證（大集團比較多分店吧），名館Ming Bistro，試一試佢既質素！
閒日等左幾張枱就可以入座了，客人都很多，我地被安排坐左張位於角落的四人枱，都算寬闊！入座後，店員主動為我地加茶，係麥茶，帶有陣陣濃郁既小麥味，聞落清香簡樸，飲完令人心曠神宜,感覺好舒服，打開胃口，準備食餐豐盛既晚餐！
前菜方面，我地叫左「京川汁秋葵 $48」，京川汁，混合北京同四川既風味，酸酸的，又帶點辣味，加上外皮爽口、內裡黏稠既秋葵，確實係健康又適合夏天既小食！
京川汁秋葵
$48
39 views
0 likes
0 comments
之後再叫了「五仁口水雞 $68」，個汁辣度適中，微辣已經好開胃，雞件好幼嫩，食落好滑，好快就比大家搶食一通了！
五仁口水雞
$68
23 views
0 likes
0 comments
「黑金流沙包 $48」賣相好吸引，有一種型格時髦既感覺。墨黑色既外皮，加上金光閃閃的點綴，彷似用畫筆在包上作畫。咬落去奶黃馬上傾出，造出流沙效果，香甜又綿密既流沙奶黃餡，滿溢口腔，大有滿足感！
黑金流沙包
$48
27 views
0 likes
0 comments
「銀湖天鵝酥 $58」賣相賞心悅目，酥皮油而不膩，十分鬆脆，內裡有微甜既紫薯蓉。天鵝頭頸都是用麵粉製成，可以進食，不過誰會捨得食呢！
銀湖天鵝酥
$58
25 views
0 likes
0 comments
終於來到主菜的環節，「石鍋鮑魚雞粒炒飯 $98」用石鍋上菜、夠哂新鮮，能夠保存飯既熱度，香味十足，配上濃味既鮑魚粒，令炒飯更上一層樓，我地食到讚不絕口！
石鍋鮑魚雞粒炒飯
$98
23 views
0 likes
0 comments
「蝦球蟹子銀絲煲 $68」蝦球夠彈牙，蟹子加上粉絲，咬落去卜卜脆，好有口感，十分足料，粉絲吸哂海鮮的鮮味，再用黎撈飯食，味道一流。
蝦球蟹子銀絲煲
$68
20 views
0 likes
0 comments
「金銀蒜蒸娃娃菜 $58」娃娃菜煮至軟腍，味道鮮甜，加上惹味的蒜容一齊蒸，更能突顯娃娃菜的鮮味。
金銀蒜蒸娃娃菜
$58
11 views
0 likes
0 comments
「黑松露炒帶子 $108」呢道菜價錢比較貴，都有佢既道理！帶子大大粒，煮得剛剛好（最怕帶子煮得太老,失去彈性)，咬落去十分彈牙爽口，配上黑松露，西蘭花吸盡松露的野香味，整個菜立即昇華。
黑松露翡翠炒帶子
$108
21 views
0 likes
0 comments
美中不足既菜餚會係「砂鍋焗小黃花魚 $58」味道太重，導致黃花魚太咸太濃，未能品嚐魚最原本的鮮味。
砂鍋焗小黃花魚
$68
28 views
0 likes
0 comments
總括以言，食物價錢合理，比一般小菜館貴，但物有所值，品質出眾，菜式創新、環境都好舒服。一家大細/ 4-6位朋友一齊黎，就最適合不過，推介！
Post
