榕記車仔麵 (Closed)

今晚同Mary 去將軍澳攞嘢，晚餐唔想食咁貴。咁就搵吓附近有冇啲車仔麵，見到呢間新開張嘅車仔麵店，入面又乾淨舒服咁，就入去試下。坐低之後就睇下有咩野食，呢到有三張點餐紙，有正常豬骨湯底嘅車仔麵點餐紙，特色湯底車仔麵點餐紙同其他小食嘅點餐紙。白果胡椒豬肚湯底+粗面+秘製豬軟骨+魚肉春卷+蘿蔔+滷水蛋好鐘意！一嚟到嘅時候見到湯底白色，好驚叫咗伏野。但飲咗一啖發現佢胡椒味好足夠，湯底仲會有一堆豬肚絲，豬肚絲都好好味，好似多咗個餸咁。秘製豬軟骨就差啲，煮得唔係幾夠林，但個味係夠嘅。魚肉春卷個味道係拍得住南記，佢個春卷冇南記咁粗同咁油。蘿蔔開頭見佢唔係好有色，以為佢會唔入味唔好食，但係食左之後又發現好清甜。滷水蛋就好正常。豬骨湯底+油麵+腩汁+陳皮魚蛋+紅腸+牛腩呢一碗係安全配搭，湯底幾好嘅。陳皮魚蛋好少見呢度都有，佢唔係煮到好硬身個款。牛腩都幾好。唐山菜+蠔油+腩汁唐山菜幾大碟，菜都新鮮，滾得啱啱好唔會太林。醬汁魷魚魷魚係正常水準，值得一題係佢嘅醬汁，辣辣地好惹味。食完之後我留左啲醬汁，用黎點菜。今次食到好飽，因為佢食物種類都算多。車仔麵鋪頭黎講，呢一度算食得幾舒服。