SUIT MODERN IZAKAYA SAKE BAR

Open Now

Now Closed

上環新開既清酒咖啡店，主打fusion日系西餐，連餐廳既裝修都非常有日系風格，配合落地玻璃及高樓底，空間感十足，而且好有格調。Foie Gras & Fruit Tomato鹅肝切片再用靜岡蕃茄夾住，配以味噌醬汁及切碎紫蘇葉，清新既蕃茄同味噌醬汁唔單止將味精昇華，食完唔會有油膩感，令人胃口大開。Beef Tartare日本豆腐皮同生牛肉他他，上面放一隻漬蛋黃，食時先將蛋黃同牛肉、豆腐皮拌勻，蛋香配上味道濃郁既生牛肉，豆腐皮幼滑，仲食到有一粒粒切碎咗既帶子，口感非常豐富。Beef & MelonUS Brandt Beef牛肩，牛味濃而不搶，慢煮至3成熟，軟諗肉味濃，油香十足，配以由哈蜜瓜煮成既醬汁，建議慢慢咀嚼讓味蕾好好感受。配菜有哈蜜瓜以及香脆薯粒，特別之餘味道亦出奇地配合。Sea Bass 叧一道主菜係鱸魚，用左好特別既菠蘿汁同熱情果做既醬汁，清甜中帶點微酸，配合藜麥非常清新健康。鱸魚魚皮香脆，但肉質鮮嫩多汁，每一啖鱸魚配上菠蘿醬汁及幾粒漬魚子，清甜醬汁加上魚子的鹹香令鱸魚提鮮，味道令人難忘。