士林台灣小吃 (Closed)

剛從台灣旅遊回來，正回味在台灣夜市的美食之際，就喺西九龍中心food court見到呢間食店，二話不說就點咗幾款小食！除咗麵線外，其他嘅小食都係煎炸為主。呢間嘅招牌係超大雞排，所以點都叫嚟試下！雞排已經剪成小塊，食落好方便，讚嘅！ 雞排啱啱炸起，加上調味粉，非常香脆惹味！唯獨雞排有啲薄身，如果厚啲口感會更好。讚嘅係雞排唔會炸得太乾，而且唔會太老而「鞋烚烚」。甘梅地瓜條係我最鍾意嘅！又係啱啱炸起，每條都脆卜卜！上面有甘梅粉一齊食，甜甜地，好味指數爆燈！！(冇誇張，試過就知！)每一條都炸到金黃色，而且每條地瓜條係「好實在」，咬落唔會話食空心條咁。力推呢款小食呀喂！