燈籠滷味 (朗豪坊)

Open Now

Now Closed

今日行經朗豪坊，見到「燈籠滷味」開了分店在此，便馬上去電家中大廚，我今晚加餸。就這樣點了幾款食物外賣回家跟家人分享。滷味－蹄膀 鴨胗 白蘿蔔 甜不辣（＄53）餸菜好多選擇，我就選了幾款來試。這間的滷味是下單後才加熱餸菜和滷水醬汁給你，絕對不會讓你食到凍冰冰的，真直得加許。滷水汁不會太咸，蹄膀肉質扎實，豬皮滑溜，又不油膩。鴨胗爽口不會硬。白蘿蔔十分入味，清甜又冇渣。甜不辣吸收了滷水的味道，咬下去煙煙韌韌，是一款吸收醬汁的好食材。麻辣香滷豬耳朵（＄44）這個不得了，滷水豬耳朵，口感爽脆又煙韌，再混入麻辣醬汁，又有麻椒香麻味，醋的微酸，再加上蒜頭和香菜，真是十分惹味。我食完豬耳後，還不捨掉了醬汁，再自己煮多碗麵條來撈食，真係好食到汁都撈埋。芋泥肉鬆人氣爆漿葱抓蛋餅（＄48）另加玉米（＄6）平時食過的蛋餅都是咸食，誰知點的芋泥是甜的，再配上咸酥肉鬆和爽口粟米，味道甜中帶咸，芋泥棉蜜軟滑，夾在蛋餅內，又好味又有驚喜。惹味塔香鹽酥雞（＄46）雞肉外層沾上薄薄脆粉炸得金黃色，咬下香脆酥口，再加上炸過的九層塔的香味，真係有回到台灣的感覺。台式香蒜腸（＄30）香腸甜甜香香又有肉味，切成薄片再併上蒜片一起