MR. MAKI (金巴利大廈)

Open Now

Now Closed

突如其來嘅加班搞到我成九點先收工😓，之後行咗出金巴利道嗰邊睇吓有乜食。但好多餐廳都已經收咗，幸好畀我遇上「MR. MAKI」，之前喺灣仔店食過覺得幾正！店内環境唔錯，裝修幾有心思，貫徹橙白色亮眼嘅設計🧡🤍。即使時間唔早都仲有人食緊，所以我唔擔心阻人收工。外賣食物好快就整好，抵讚！小店顧名思義主打卷物，款式多之餘，全部都好吸引，啲名又夠晒盞鬼😆。特色卷物單價唔平，但升級做套餐感覺好似抵啲。帶子被困火焰山($69/8件)，食材包括帶子、蟹棒、蘆筍、青瓜同蟹子。呢個卷物好震撼，魚生同醬汁堆到滿滿的，成座山咁⛰。成個組合好夾，又好味道。香辣沙律醬辣辣哋，食落惹味開胃🌶，而每啖飯都食到餸，非常足料。墨西哥辣妹($79/8件)，食材包括吞拿魚拖羅、赤身、炸蝦、芝士、墨西哥辣椒、蟹子同脆趣。如果鍾意食呑拿魚嘅，呢款必點。🐟吞拿魚蓉鋪面，質素唔差，幾鮮味；另外仲有綠色辣椒粒，但無預期咁辣。卷物中間就包住芝士同炸蝦🍤。D套餐($28)包叉燒醬油烏冬同飲品，🍜烏冬幾有驚喜。湯底好飲又足料，有叉燒、魚糕、腐皮同海帶等；而烏冬呈扁狀，口感煙韌。A套餐($19)包先生炸雞(4件)同日式沙律🥗，炸雞好好食，外脆內