喜遇 (Closed)

美麗街街，此處在此街算最便宜，麵食質數一般，勝在多選擇，健康麵，食具有睇頭，之前食過這裏上海料理就一般。二餸麵$49: 不辣擔擔湯，稠，花生味唔香，湯淡，雲吞，粉皮爛，即唔彈，露餡，白蘿蔔甜，全麥麵，有益健康。養生湯，幾粒杞子，炸魚片，扎肉~質帶粉及薄片，可能揀配料淡味，湯都淡，而隔離麥歌利加街越南餐廳，扎肉又厚又爽，環境當然這裹好些，淮山麵，對俾胃好。$20加配醉雞，做唔到李白，見有酒食物都想食，拍一聲上枱，手掌心大小白色磁碟，盛載約6件3份2手指長薄雞背肉，實質無乜肉可食，我同青蛙瞪一瞪眼望着，好嘢，師傅可斬咁細件又整齊放入去，酒味都濃郁，又唔同猪雜麵的醉雞酒味，話名係小食，無欺騙。每日心情不同，胃口如何，揀選去好食地方，或去好坐地方，或找新鮮事物，有這些生活感滿足，可能對有些人覺得要求低，但能有心有力做到已幸福！