喜遇 (Closed)

「喜遇」一個很特別的名字，我認為是歡喜地遇到自己想吃的食物，能夠在適當的時候遇到的對的食物，這就是喜遇。正因為這個特別的名字，我光顧過這間餐廳數次，那次是我向同事推介，並因為利東街商場優惠餐廳有九折，所以就選擇到這間餐廳午膳。那次同事點了幾款特色小菜，分別是上海粗炒，傻佬炒飯，原湯水餃和雲吞雞。先說上海粗炒，所謂上海粗炒其實是以瘦肉絲，椰菜，香菇絲等配料，加入上湯和調味料，與粗麵條翻炒而成，其原型是早期上海街邊的蝦仁雙面黃炒麵，經改良後成為了更適合港人口味的美食，並命名為上海粗炒。這間的上海粗炒，味道不俗，口感煙韌，醬油味道濃郁，令人吃得津津有味。另一道菜是傻佬炒飯，名字有點幽默搞笑，不知為何以此命名，但味道真的不錯，材料有肉鬆，松子，咸蛋黃，帶子，鮮蝦，肉粒，菜心粒等，並以豉油皇，炒製而成， 口感豐富，而且飯粒分明，重點是炒飯夠乾身，穫氣十足。至於雲吞雞，雞肉嫩滑，而且份量都算多，有半隻雞，雲吞則一般，但上湯的味道唔錯，而且小棠菜亦算淋。而原湯水餃則普通，不算太特別，而且價錢偏貴。 整體而論，菜式的味道唔錯，但價錢方面則不太抵食。

係灣仔咁耐都未黎過, 今日同事突然話不如試下. 因為利東街呢排做緊promotion, 影張同貓貓的合照post上社交網站就可以換九折券, 所以就黎試下.原湯水餃$65, 湯有蛋花而且好清甜. 食完隻餃再飲湯會覺得淡, 隻餃足料而且鮮味.    雖然佢有配到醋. 但我地完全無點到. 但個醋的味超濃... 上海粗炒, 雖然感覺有點貴$103. 但好大碟... 菜亦都好多. 夠味但相對有點油.砂鍋雲吞雞(1/4隻)$132 , 裡面有六隻菜肉雲吞, 若你打算再叫水餃就唔好叫菜肉雲吞餃, 咪會相同.首先個湯好清甜. 雞都好嫩. 重點係裡面有兩款菜, 津白同小棠菜. 而且份量超大. 四至六人食都足夠.傻佬炒飯$128. 見到個名係度估係咩黎呢? 黎到原來係有肉鬆係上面的炒飯. 除此外重有松子同菜. 味道適中咸淡適而. 同樣呢度的飯都好大碟..  而且炒得唔算太油... 超好味.值得一提係佢的茶. 原來係人蔘烏龍.  飲完個口會回甘, 雖然每次飲完都要麻煩侍應添茶. 但佢有時亦都會主動加茶, 我地都加左四五次, 真係辛苦晒佢... 最後... 呢度全部的菜都係即叫即整, 全部都好夠熱.. 雖然l

今日晏晝去咗囍帖街，同朋友趁午飯時間放鬆吓，想食上海菜，就入咗呢間餐廳呀！食物質素都幾好，我哋要咗個上海炒年糕，同埋四季豆，可能有啲人食唔慣淡味，會覺得佢唔夠濃，但係對於我呢啲食飯清淡嘅人就會係啱啱好啦！同埋呢雖然可能價錢呢就比較貴啲，但係因為佢喺囍帖街租金咁貴，環境你就會寛敞啲，呢個係疫情底下係好緊要㗎！

好耐無出街食晚餐喇，好掛住係街食晚飯喇😍😍，今日要係灣仔個邊做完野，就腳搵左間，又算坐得闊落嘅餐廳。嘩😯😯😯d野食全部都好想食呀，所以就點左d自己屋企唔會煮嘅嘢食😛😛。有麻婆豆腐、紅油抄手、回鍋肉炒年糕、菜飯。味道不錯，唔係好辣，仲要都算大份😁😁，好滿足👍🏿👍🏿。不過2個人都食左3百幾蚊，可能太耐無出街食飯嘅關係呢🤪🤪，所以覺得有d貴😌麻婆豆腐回鍋肉炒年糕菜飯紅油抄手

早前放工想來食晚飯，點知晚市冇開。今晚行過見開番就入嚟食。點了餃子放湯，因為平時去的上海菜館得海蜇頭，衣度有海蜇，就叫左一個試。海蜇雪得比較凍，但點醋食都可以。個餃子就有D咸。餃子都係去番餃子店食好D。值得讃是店員服務。

抗疫期間未有開，說4月中開但未見面， 牙籤大少通知開咗來光顧。入咗去，現在無午市套餐，單點餐牌。雪菜肉絲拉麵$70，白雪雪肉絲，像禾蟲，質彈，腍，雪菜不是黑蚊蚊，不是叠埋個隻，整個爽鮮，咸鮮，湯清，麵帶腍，跟金滿庭，賣相味道差不多。京醬肉絲跟薄餅4件$118，燈影薄餅，燈光穿透，肉絲像染色禾虫，咸甜適中，味香，恰如其份，量大，剩下走。走咗出來， 牙籤大少看錯價錢，幾十元的價錢，是外賣價，怪不得不像以前那麽多人排隊。

環境設計懷舊，相當吸晴。樓底高又多玻璃，光線充足。仲有舊樓設計的樓梯，且樓上有雅座。行完街，吃個下午茶吧四喜烤夫，濃醬油中帶有甜味，仲有筍、金針、雪耳、花生。烤夫可以炆得再鬆軟些為佳。葱油海蜇，海蜇爽脆，而一般會帶有浙醋味，但這就沒有，而且葱油味不足了。招牌擔擔麵，上海麵上鋪滿蒜蓉、葱粒、菜甫、肉碎。正疑惑著點解無花生碎嘅？原來有大量在湯底中，幾能令花生控滿足。麵質咬落依依韌靱，份量也不少呢！無加一和茶芥。茶是人參烏龍茶，沒有若澀味，雖然淡淡的，但呷落有回甘味，唔錯。

公司附近就係利東街，知道有間好似茶樓嘅嘢叫做喜遇，但係咁耐以黎都冇試過，由於公司同事成日去食，而且熱烈推介 👉🏻食物價錢都環境唔錯 ， 今日終於去咗試啦！叫左個下午茶餐 有一個前菜，我要左餚肉，主食係我最愛嘅牛肉麵，一杯飲仲有個甜品〜價錢都算合理。本人覺得食物味道都ok 比較淡味少少，但又唔會覺得好差好難食，都會推介大家試下〜最想最想表揚就係service 我果位年青人👉🏻好似叫阿康，態度好好，值得稱讚👍🏻 好有禮貌，做野快手又有heart ，拎杯熱飲比我時仲會叫我小心熱〜 眼見樓面仲有幾個講嘢唔正嘅阿姐係度大聲吹水，不過我身邊十張枱嘅客就十張都係哩個後生仔阿康去service (見到有講國語嘅客同講英文嘅外國人佢都應付到👏🏻👏🏻) ，多謝前多謝後，今時今日咁嘅服務態度真係好好好〜相反幾個阿姐真係要向哩個年青人學習！雖然食物普通 無話好食到難忘，但以service 嚟講我都會考慮再番黎幫襯。

叫左酸菜魚（太多粉絲，味道一般，魚唔新鮮）津白（一般）花雕醉雞（難食，鹹死）椒鹽小黃魚（唔新鮮，太多味精，超級超級難食）手撕雞湯麵（麵硬，鹹死）酒釀丸子（超難食）

性價比高下午茶襯還是假期去灣仔利東街行下，新年期間個到佈置得好有氣氛，所以去影下相影到累又餓，行到街尾有間上海菜館下午茶，我選了排骨炸醬麵仲有前菜小食，飲品和甜品非常抵食，好食，性價比高有朋友來利東街我會推薦試這間餐廳

我叫左碗兩餸麵, 碗麵食到一大半先見到有啲鮑魚刷嘅絲, 之後佢問我想轉其他嘢定取消張單,我轉咗碗菜飯, 到埋單嗰陣佢竟然想詐詐弟弟收曬碗麵同菜飯嘅錢。 佢碗麵有問題仲想收我錢!有病!

食物質素差!十問九唔知服務態度差！尤其係副經理好似爭佢錢咁全無態度可言!收得呢個價錢冇招呼！上海菜居然冇酸辣湯完全唔明白點解可以經營咁耐熱切期待結業後下一間食店

其實我已經吃過「喜遇」很多次，雖然佢既CP值不高（普通車仔麵質素還要收加一服務費），但因為我之前一直在附近上班而且貪方便，所以每逢午飯時間都會和同事吃「喜遇」的車仔麵。今天因為我忘記帶銀包，只有cardholder和入面的八達通，所以自己一個來了。中午1點半左右的時候，人流唔算多，入面未坐滿人。我拿了飛等了大概10分鐘，做樓面的阿叔就叫我的號碼。其實我不明白入面有位置還要人在外面拿飛等，but anyway。我入去後，阿叔指我往入面的方向，因為太嘈的緣故，我也聽不清楚他說什麼。我見到再入面有一人空位便坐了下去，等了一會兒，我見附近有人點餐，便向他取餐牌。佢豪不猶豫鼓燥地問我「誰批准我入來！為什麼沒取飛就入來！」，旁邊的食客都在望著我。我「下」了一聲，就說我一早取了飛，是他叫我入來的。他又不耐煩地說「叫你上樓上啊！」我無奈地起來，再往樓上。我想講，打開門做生意的，要學懂尊重別人。如果是繁忙時間，需要顧東顧西的我可以理解，但當時有很多吉位，完全稱不上繁忙，無故被用這樣的態度「服務」我真的很無言！我沒有當場立即離開，真是仁至義盡！我想講，我不會再來這裏食飯，免得貼錢買難受！！P.S. 樓上的

大家知道利東街重建後變了囍匯嗎？它除了是住宅外, 還有很多新牌子與知名店舖進駐這天中午去了一間外表是酒吧 但內裡吃東南亞菜的餐廳我點了海南雞飯 雞肉頗滑 油飯有點硬 未夠香份量適中 送香茶一壺價錢$80 (未加一)以這個地方這個價錢 小妹覺得可以接受吃過飯還能四處逛逛

星期五, 阿嬤諗住放左學,帶阿仔(3歲)去呢間餐廳食中午. 當時係12:15 左右. 阿嬤要求兩個座位平排咁坐, 方便照顧小朋友食飯. 點知一個貌似經理的人, 不但止不能安排平排坐. 還要理氣壯咁講. "依家係煩忙時間, 其實本身都唔係幾歡迎帶小朋友的食客來幫襯." 你咁講, 係咪即係話你不受歡迎, 你唔啱坐的, 可以不要食??? 最後, 一個老人家帶住小朋友即時離座. 絶不光顧!!此態度極之惡劣. 如果不能帶小朋友的話, 就在門口寫清楚. 所以, 家長們. 帶小朋友的, 千萬不要去. 否則, 又會換來一肚子氣.