燒味滷師 (大廈街)

Open Now

Now Closed

突然間親戚話上黎食飯，屋企唔夠餸，斬料加餸最方便！斬料我通常都會黎呢度，因為比較乾淨衛生！ 而且店員都好友善同冇禮貌！我通常都會叫叉燒，因為甜甜既蜜糖味好正！而且叉燒肥瘦適中，食落去口感鬆軟，又唔會油膩，大人細路都鍾意 我哋多另外買咗隻鹽焗雞，隻雞大大隻又啖啖肉！而且仲會另外配一個鹽焗醬，隻雞都幾入味，肉質都好嫩滑燒鵝又係好正，個皮夠哂脆，另外都會再死醬汁，返到屋企淋上面即刻食就非常正最後就係泰式鳳爪，酸酸甜甜，口感爽脆，少少辣，非常開胃 ！有燒味滷師加料冇難度