Mellow Brown Coffee by UCC (Closed)

平時食伏嘢都唔會特登開一個AC去寫食評，但今次真係未食完就已經要開定account嚟叫大家唔好中伏。媽媽見到係ucc就已經想去試，點知...一開始點餐已經心知不妙，個落單既待應姐姐淨係"嗯"左兩聲就走左。好啦，等到個湯嚟，一飲，酸既，酸既栗米忌廉湯。個橙汁，成杯都係冰嚟既。沙律，七十幾蚊，菜就得個幾條，懶係有gimmick整個搖搖杯，超級唔抵。個海鮮意粉，啲咪精濃到好似食緊合味道海鮮味杯麵咁。然後個海鮮焗飯，苦既，啲海鮮又老又鞋到好似咬香口膠咁。成餐飯又酸又苦，真係百味雜陳。仲有啲待應個個都惜字如金，嚟收嘢一粒聲都唔出，碗湯仲有一半就嚟收，我都係第一次見。得個甜品係ok，因為係普通雪糕嚟唯一可以讚下既係，坐得幾舒服囉。