宮葉 パフェ (Closed)

真心難食 唔明點解咁多好評 今日嗌左碗麵 加熱情果既飲品 再加左個雞翼小食 首先個麵同韓國公仔麵係無乜分別 個麵係完全無鹼水味 個湯係公仔麵既湯 越飲越口渴 然後我嗌既係炸豬扒 但個豬扒既皮仲厚過d肉 又唔脆 成個質感好似食緊南瓜餅咁 另外我加左熱情果既飲品 入面d水果全部無味 一係就酸到死 個底落左一大pat糖 甜到嘔 都有d熱情果既味既 但好明顯係香精 我同幾個朋友嗌左唔同味既野飲 但杯杯既水果一樣 只係香精唔同 最後叫左個小食 手羽先雞翼 我地食曬個麵 飲埋野飲 吹左3次都仲未到 個雞翼成40$ 但得4個半隻雞翼(一共得兩隻) 佢既味道同麥當勞既香烤雞翼一樣味 完全無分別 總括而然 真係有d伏