龍皇酒家 (Mikiki) (Closed)

大名鼎鼎幟哥既酒樓，小菜當然出名飲茶唔知又會點，舖面就夠晒貴氣，走高貴既中菜館風仲有酒櫃等等，氣氛相當不錯，食物選擇多，亦有不少有心機既特式野，服務員週到就當然啦鮑汁鳳爪，賣相OK，精緻小碟，味道適中，汁液啱啱好掛係鳳爪上惹味既，但略嫌唔係好夠熱，處於室溫狀態有少少怪加個冷盤回味醉雞，色香都有期望高下食落味道好，但只有咸香，無咩花雕味，唔當醉雞既就一百分山竹牛肉，正正常常，肉質腍但有口感，唔會梅味道OK，另外叫左個春風得意腸，賣相一流，好得意其實係加左脆炸腐皮同肉鬆係入面，做長幾個口感，幾創新幾好味既食悶左一般腸粉既都係一個唔錯既代替品，加埋沙巴海蝦餃，一入口就知道係海蝦，蝦味特別濃而蝦肉較彈牙但相對皮都幾厚，蝦同荀既味夾得一般，中規中矩啦蜆蚧鮻魚球，炸得不錯，唔會油，非常彈牙但個蜆蚧發生咩事，唔香，無鮮味，死咸，點魚露仲好過最後炒左碟豉椒龍躉頭腩炒河，上枱不錯，炒野果然無令人失望好好味又夠鑊氣，香口又有風味，龍躉頭腩粉唔厚，魚肉保持鮮嫩味道想保住魚鮮所以唔會咸，加埋濃味豉椒河就好夾成餐茶，賣相二百分，碟碟都正但細節同味道差啲，本來無咩，但話晒都高價仲不幟哥個名點都高啲期望既，大家自決