正九清湯腩 (常安樓)

Open Now

Now Closed

好耐冇食過清湯腩，經過文明里有間正九就走咗入去試吓。見正九喺唔同地區都有分店，的確令我好奇佢嘅質素如何。如果要叫坑腩爽腩崩沙腩要另外加$8 。我自己就編號坑腩咁所以就叫咗一個牛坑腩撈粗麵。因為食撈粗麵先可以keep到面質夠晒爽彈，呢個係我個人嘅偏好。牛坑腩唔算太肥，但都算係腍嘅。如果想食肥啲可以落單時同夥計講聲佢都會俾啲肥嘅牛腩你。成碟面係OK嘅。我另外加咗一份腩汁蘿蔔，呢個反而比到驚喜我。蘿蔔又甜又入味，渣都冇。食完蘿蔔啲汁仲可以拎嚟撈埋啲麵食添。