生記粥麵 (Closed)

肥仔個肚唔舒服，所以今日食粥清清腸胃。佢話食呢間，我話呢間野喺上環嗰陣我食過好好味。去到梗係食魚腩啦但係話賣晒喎😞。叫碟菜食，仲要得返一碟生菜俾我哋叫埋。之後叫嗰啲人全部得返白蘿蔔😅生意到呢。因為冇魚腩令到我又要諗過食乜嘢，咁係肥仔嘅推動下就叫左雞肉。其他兩樣餸我都係照舊叫返豬膶，同埋唔係度度有得食嘅豬心。肥仔就叫咗豬膶雞肉牛肉粥。叫完野就上咗碟蔥段豉油。因為上咗呢碟野所以啲粥就冇晒啲蔥🙄＄18嘅西生菜跟蠔油一齊上都幾大碟。不過蠔油生菜同粥其實唔係太夾，因為食食吓會令到個粥好似有酸味。講返個$54粥，粥底好綿有見到散左既米👍🏻，唔係開米粉又唔係加左白果同腐竹煲嗰啲粥底。因為我哋兩個都叫咗三樣餸所以啲料係凸咗出個粥面嘅，豬膶好爽好大塊，豬心好味😋牛肉正常，雞肉呢就麻麻哋，食到好大浸酒味（諗住要黎癖左啲雪味但太多了）啲料食到底都仲有好足料喎食到咁上下就覺得鹹咗喇。飲品有支裝汽水＄10得細支，好似食水深左啲🙄