麵家

呢日放工行過銅鑼灣登龍街😜見到呢間新開嘅麵家好似唔錯💖我同朋友都第一次食，所以貪心啲每人都揀咗一碗乜都有嘅麵🥰咩都有撈麵面底好爽口，蔥油嘅味道食落好香🥰裏面嘅餸菜有勁大粒嘅雲吞，裏面有原隻蝦仁之外，仲有陣陣鹹香嘅櫻花蝦味道😜仲有肥瘦適中，唔會黐牙，炆到好軟腍腍嘅牛腩✨丸類方面有魚片同埋彈牙嘅魚蛋🫶另外有好香菇味嘅香菇貢丸、好Juicy嘅牛丸同埋墨魚丸😋咩都有麵另外朋友就叫咗碗湯米，更食得出呢度嘅雞白湯底都唔錯👍過嚟呢度食麵一定要落埋呢度嘅自家製辣辣地嘅菜脯，令到成個面更加惹味啊😇