鳥海山鐵板燒 (Moved) New Location

今日聽朋友介紹黎到長沙灣食好西佢介紹話呢間「鳥海山」食鐵板燒好正，今日難得早左收工過過黎一探究竟入面不出意外係好靚既日式風格，成幅牆都貼左圖畫，又幾靚呢到有好多唔同套餐叫，唔一定要單點，最正係呢到有一人餐，唔洗同朋友一齊叫叫完有啲野又大家唔岩食今日我地叫左鳥海山鐵板餐先黎刺身，店員好細心講解每一款魚、點食同先後次序，黎呢到食野有被重視既感覺刺身每一片都好厚切，好鮮味，差啲以為自己食完刺身就會飽左鮑魚提前切好晒，食落好香牛油味，好彈牙龍蝦係聽講最多人讚食完一次我都明點解肉質爽口唔洗講，勁新鮮，落左蒜蓉去煮，入晒味，一啲腥都無，一上枱個下已經聞到勁香鵝肝多士，食落好軟身好香口，多士落重牛油卜卜脆食落有聲，高質牛肉薄燒，肉質一啲都唔韌，中間包左啲蔥係入面，幾有特色最後配有炒飯同炒野菜，炒飯好乾身粒粒分明，入面仲有啲櫻花蝦同蛋花吊味，好好食