SHAKE!T

Open Now

Now Closed

而家夏天真係超級熱，行出街都就嚟溶，所以成日都會想飲啲凍嘢，今日經過旺角豉油街，突然間比一陣好香嘅味道吸引住，原來呢間小店有賣窩夫同埋奶昔，咁我哋就買嚟當下午茶啦！呢度店員超有禮貌，雖然天氣咁熱都面帶笑容，一路整緊嘢，見到有人龍都會笑住同我哋講唔好意思，麻煩稍等，呢啲服務態度真係值得嘉許，喺香港而家都好少見到㗎啦！講返啲嘢飲先，所有奶昔都係用新鮮水果同埋新鮮牛奶製造，完全冇加冰，而cream都係店家每日自己新鮮整，難怪咁滑咁濃郁。今日我要咗泰國金枕頭榴槤奶昔同澳洲牛油果奶昔。兩樣都幾新鮮，勁Creamy，真心係我飲過最好飲嘅！！同埋真係唔係底層幾粒生果就算，真係每一啖都會飲到！至於窩夫方面，店家標榜用優質麵粉同新鮮雞蛋，所以食嘅時候都食得出好濃嘅蛋味。我最尾決定叫咗一個鹹嘅，一個甜嘅，包括紐西蘭奇異果蜂蜜窩夫同巴馬火腿芝士窩夫。下次再嚟，我一定會試埋個咖啡奶昔！