Lockeroom Dining (朗晴坊) (Closed)

印象中通常主題餐廳都係好睇唔好食，但原來世事真係無絕對！今日老公約埋成班波友同佢哋嘅女友或太太一齊食飯，所以就揀咗這間以足球為主題餐廳一聚。⚽⚽⚽餐廳以足球為主題，淨係看佈置已經知道老闆是死忠粉絲。波衫上面係真係有簽名的！！完全感受到老闆對他們嘅熱愛。❤❤❤牆上仲貼滿球星嘅閃卡，絕對係球迷嘅天堂。〈黑醋沙律〉新鮮爽脆嘅沙律加上黑醋汁和爆珠粒粒，清爽得來味道絕不孤寡。〈甘筍濃湯〉用新鮮甘筍打成蓉之後再煮湯，味道非常清新甘甜，甜味完全來自蔬菜，飲得好自然，好舒服。〈蒜香牛油法包〉絕對係外脆內棉，而且蒜味非常濃郁，好食到真係好想要多舊！！😅😅😅〈鹹蛋黃雞翼（6件）〉鹹度啱啱好，而且唔會好油膩。你知啦，通常好多餐廳都會將鹹蛋或者金沙嗰啲全部整到好鹹好油的。而且雞翼外層好香脆，肉肉juicy又熱辣辣，好滿足〈燒烤醬黑毛豬梅肉拼北海道元貝〉肉質淋滑一啲都唔韌，口感很爽脆而且滿滿肉汁。加埋秘制嘅燒烤醬令到豬梅肉嘅味道更上一層樓。〈波士頓龍蝦拼鮮蕃茄汁扁麵〉龍蝦雖然得半隻但係都好大隻，仲有加埋芝士同秘制醬汁一齊燒，非常滋味。每一條扁麵都佔滿酸酸地嘅鮮番茄汁，酸酸甜甜咁非常開胃，中和了芝士龍蝦既微膩感，