Sky726

好耐冇食西餐啦，間唔中都要食下好嘢，獎勵下自己！呢間餐廳充滿情調，環境設計都非常闊落，坐得好舒服啊！鮮蠔伴蕃茄酸醋汁小編勁鍾意食生蠔！去邊都要試下餐廳既蠔😆 今次試咗呢度嘅生蠔拼盤，有成6隻咁多，生蠔非常新鮮，食落有啖啖海水味，而且一啲都唔覺得腥，口感滑嫰，令人流連忘返！差啲想叫多盤架啦😆 煎慢煮美國頂級安格斯肉眼扒完全冇諗過塊肉眼會咁大塊🤤見到已經流口水！小編叫咗五成熟，切開見到肉呈粉紅色，入口鮮嫩多汁😋 一啲都唔靭！雖然冇經過特別調味，但咁樣更加可以食到牛扒嘅原汁原味，超高質！