三藩市牛扒屋 (Closed)

同個friend兩個人去食,以為坐窗口位會好正! 但點知張枱好細,同隔離枱又勁近,俾兩張枱夾住,傾唔到偈,只係聽到嘈雜聲! 而且好有壓迫感,坐得一d都唔舒服。我地兩個人order左西冷牛扒,凱撒沙律,白菌漢堡&lemon tea,噢...我真係唔明o個一件仔牛扒點會值$285,話就話七成熟,但就勁硬又乾,d配菜又cheap同寒酸,個碟就夠大呀,但食物就真係唔掂! 沙律得幾條生菜淋左d汁,普通至極。如果要揀樣最好,算係個漢堡囉,但亦唔見得好好味,麥記雙層芝堡都拍得住!就連Lemon Tea都可以唔好飲,真係好高難度!!講到service,又係唔掂,d waiter/waitress冇乜禮貌,做漏野一句唔好意思都冇,只係話:"唔記得左!" 我地食完野之後坐左o係度傾偈計,但佢地就成日o係度徘徊,唊黎唊去,好似迫我地走咁。