串燒陣

Open Now

Now Closed

天氣涼涼地，又想約班朋友飲下食下慢慢傾計，於是就搵下有咩新餐廳，竟然俾我搵到有間新嘅串燒店串燒陣係地下舖，一啲都唔難搵，望下餐牌平時食開嘅種類都有，仲有唔少海鮮選擇，有鮑魚、花甲、大元貝，款式都幾多，價錢相宜食肉獸們先叫了安格斯牛仔骨同紐西蘭羊架，上面佈滿孜然粉，一嚟到已油香四溢，咬落一啲都唔韌仲有肉汁，牛仔骨牛味濃，羊架一啲都唔騷，而且都幾大件，大家都好滿意之後就上蒜蓉燒原條魷魚同八爪魚鬚，原條魷魚唔會燒到乾爭爭變香口膠，但我較喜歡八爪魚鬚，因為夠晒彈牙，加啲燒汁一齊燒，已經好夠味又唔過咸之後大家就扮下健康叫啲蔬菜類🤣叫咗四季豆，泰國秋葵同燒虎皮青椒，四季豆幾好咬口好啱送酒，秋葵燒完個質感冇咁黏液狀，平時怕食秋葵嘅朋友都覺得好食，而虎皮青椒我啱啱食到舊有少少辣，但好清爽好刺激🌶最後甜品叫咗燒朱古力香蕉，朱古力同香蕉一向係絕配，燒完嘅香蕉又香又甜糯，加埋朱古力醬完滿地滿足了我哋嘅甜品胃😚😚😚呢度嘅串燒種類繁多，真係要encore嚟多幾次再試下其他嘢食