Video
Read full review
2022-05-23
176 views
勁耐冇出過西環嗰邊！520咁特別嘅日子，梗係約我最愛嘅媽咪出下去啦🥰同媽咪一路行佢一路回憶西環舊時嘅風光，一路滔滔不絕😝😝行到去高街附近，我哋就搵吓有啲咩食，見到呢間泰國餐廳🍴 於是即刻去攞位👭👭因為真係勁耐冇食過泰國菜，等左15分鐘左右，終於有得坐低☺️我哋叫左佢兩個set lunch ，再加小食同甜品🍮佢哋係家庭式經營，成間店舖都好乾淨，令人坐得好舒服！而且媽咪仲話未試過間餐廳廁所都可以keep到好乾淨👍👍有機會真係要再去食，因為仲好想食佢嘅炒金邊粉同埋喇沙粉麵🥰🥰呢間係超級推介大家去試，如果你都鍾意食泰國菜嘅話🙌🙌無骨海南雞飯$62佢嘅海南雞食落幾嫩滑，而且份量都幾多😋😋配上薑蓉飯好好食！同埋佢跟餐嘅湯仲有兩大嚿冬瓜，飲落好滿足👍青咖喱配飯$62佢呢個青咖喱做得好出色👍食落唔會好辣，好香椰香味🤩而且配料勁多，包括南瓜、豆角及茄子🍆好濃郁，層次超多！炸蝦餅（跟餐+$28）好抵$28有4舊，仲要係幾大嚿下！而且食落好彈牙，加埋泰式辣醬簡直冇得頂，不過好有邪惡感😅鳳爪沙律$60呢個都係我最鍾意去泰國餐廳點嘅其中一味👍食落同出面有少少唔同，佢哋偏向辣一d，但冇出面咁甜☺️食到停唔到口😍超級開
同媽咪一路行佢一路回憶西環舊時嘅風光，一路滔滔不絕😝😝
行到去高街附近，我哋就搵吓有啲咩食，見到呢間泰國餐廳🍴 於是即刻去攞位👭👭因為真係勁耐冇食過泰國菜，等左15分鐘左右，終於有得坐低☺️我哋叫左佢兩個set lunch ，再加小食同甜品🍮佢哋係家庭式經營，成間店舖都好乾淨，令人坐得好舒服！而且媽咪仲話未試過間餐廳廁所都可以keep到好乾淨👍👍有機會真係要再去食，因為仲好想食佢嘅炒金邊粉同埋喇沙粉麵🥰🥰呢間係超級推介大家去試，如果你都鍾意食泰國菜嘅話🙌🙌
無骨海南雞飯$62
佢嘅海南雞食落幾嫩滑，而且份量都幾多😋😋配上薑蓉飯好好食！同埋佢跟餐嘅湯仲有兩大嚿冬瓜，飲落好滿足👍
青咖喱配飯$62
佢呢個青咖喱做得好出色👍食落唔會好辣，好香椰香味🤩而且配料勁多，包括南瓜、豆角及茄子🍆好濃郁，層次超多！
炸蝦餅（跟餐+$28）
好抵$28有4舊，仲要係幾大嚿下！而且食落好彈牙，加埋泰式辣醬簡直冇得頂，不過好有邪惡感😅
炸蝦餅
$28
8 views
0 likes
0 comments
鳳爪沙律$60
呢個都係我最鍾意去泰國餐廳點嘅其中一味👍食落同出面有少少唔同，佢哋偏向辣一d，但冇出面咁甜☺️食到停唔到口😍超級開胃🤣
鳳爪沙律
$60
3 views
0 likes
0 comments
芒果糯米飯$58
呢個真係令我超級驚喜❤️❤️因為完全估唔到係有兩款嘅糯米飯，一個黑糯米+普通糯米😳好加分👍同埋佢哋個擺盤好靚又好食😋
芒果糯米飯
$58
10 views
0 likes
0 comments
椰子冰（跟餐加$8）
椰子清甜又唔會太膩，咁熱嘅天氣飲，正👍
鹹檸檬七喜（跟餐加$8）
汽水加上鹹檸檬🍋勁新鮮嘅配搭👍醒神又開胃
Post
