細妹姐餃子拉麵店

Open Now

Now Closed

我唔係住葵涌附近，去得葵廣梗係掃街啦，邊有人好似我咁傻仔食一大碗麵。偏偏我今次就係咁傻仔😆，試咗細妹姐餃子拉麵店，超級大碗😲，一個米八嘅男人都飽到飛起呀😨！其實睇佢舖頭名就知道佢主打餃子同埋拉麵，除咗餃子都仲有其他餸嘅，而我就試咗豬軟骨！餃子本身每粒都好大粒，一粒都接近兩粒灣仔碼頭😳，但係一碗麵竟然有六粒，豬軟骨都有五至六嚿。餸嘅份量大家都應該覺得好驚嚇🤯！麵都絕對唔少，我相信有兩個拳頭咁多嘅拉麵🤠。價錢又唔係話好平，但係性價比就非常之高啦。睇返佢份量多到咁，都好難買到三四十蚊碗，六十幾蚊都合理嘅！🤓我覺得有時如果你遊完水行完山，消耗咗好多卡路里之後，真係可以食返咁大碗麵醫吓肚！😎