巴巴串

Open Now

Now Closed

✨120分鐘任飲任食串燒放題 $238餐廳主打串燒，仲有多款小食、炸物、甜品、飲品任食任飲。串燒爐火力大而且均勻，燒嘢食嘅速度好快。我哋當日（14/3）去食仲有得like 社交平台 送扇貝放題。自助區嘅串燒/海鮮比較推介紐西蘭羊肉、叉燒串、雞中翼、蜆。✨紐西蘭羊肉肉質嫩滑，唔會好重羶味。不過京葱要燒耐少少先冇咁硬。✨叉燒串肉質軟熟，麥芽糖甜味滲晒入去。✨雞中翼可以自己加醬燒，燒耐啲雞皮勁香。✨蜆我見好多人都係大大碟拎返位。蜆肉幾大隻同埋冇沙。自助區仲有多國料理，mini burger🍔最受歡迎。Refill得快不過太多人拎，我哋到食飽先見到😭。唔想成日捕住自助區有咩食，仲可以入紙order小食。比較推介：✨金菇肥牛卷燒得好均勻，肥牛配甜味燒汁好夾。金菇完全冇青味。✨京葱嫩雞串雞肉真係好滑。京葱都燒到腍身唔辣，比起自己燒好食得多。✨炸雞翼懶得燒可以直接order。係冇得輸嘅CP單骨雞翼。嘢食款式好多而且吸引，食到飽都未試晒想食嘅款式，有啲似食自助餐嘅感覺。