Goobne Chicken (The Hart)

Open Now

Now Closed

星期一晚準時收工就即刻沖去尖沙咀Goobne Chicken，6:30到都要等大約30分鐘先有位，雖然眼見裡面有不少空位，但都俾人book左，所以下次都係預早book位好啲。呢度每碟食物都要百幾蚊，皆因分量十足，我地兩個女仔叫左一份韓式烤雞同豬手，黎到嘅時候不禁『嘩！』左一聲，冇諗過係咁大碟！皮脆肉嫩，有十幾件雞，但辣味唔夠特出韓式辣醬豬手，咬落唔肥膩，充滿骨膠原嘅感覺，好野味，正！食啲咁刺激嘅野，一定要order呢個飲品舒緩一下，唔記得叫咩名，但基本上每枱都會叫的，到時指一指隔離枱杯飲品就得。用餐時間得９０分鐘，我地兩個食咁多野，９０分鐘真係唔夠，夠鐘時侍應會要我地先埋單，但冇趕我地走，最後我地要多２０分鐘先KO曬啲食物。推積如山嘅骨頭侍應多是韓國人，個個英文流利，亦有香港人侍應，所以一定溝通得到。