客家人窯燒雞

Open Now

Now Closed

朋友最近講開，係新䈬崗食左窯燒雞話好好食，咁啱元朗都有一間，近近地走去買隻。元朗個間除左窯燒雞仲有其他窯燒系列，燒賣同三寶丸都係出面無既。鋪頭入有三大隻窯，好壯觀，隻雞真係原隻放入去窯燒，一拎隻雞出黎已經聞到好香，窯到成隻雞有雞油包住，雞皮窯燒得顏色好均勻。佢地仲有賣自家煲既金果白菊茶，飲得出金羅漢果味。拎到隻雞返家都仲熱辣辣，入面有即棄手套。自己煲左個白飯配雞食。一撕開隻雞脾出黎，啲雞油湧晒出黎，勁juicy，完全鎖晒啲肉汁係隻雞內，啲雞油多到拎去撈飯超正。雞肉超嫩，雞皮好脆口。一隻雞$198，份量夠3-4人食，男朋友話好好食，雞頸都食埋。