匯發中西美食坊 (Closed)

深水埗的物價在香港來說都是較低的一群，無論食嘅，買嘅又或是玩嘅都係勝價比高。這裡的裝潢不太特出，但說上了有私房菜吃，價格又不貴，很是不錯。一來便是異國三式頭盤，陳醋貓耳朵，蜜餞一口牛柳粒，有機藜麥凱撒沙律。集合了多個國家的食材，各有新意。特別喜歡係黑木耳，用上大片爽口的，跟小朵嘅軟滑不同。卡邦尼龍蝦伴薯蓉，很喜歡的一個菜式。龍蝦撇除了中式常用嘅蒜蓉，芝士又或者白烚的煮法。用上西式嘅卡邦尼，食上口有忌廉香，亦有龍蝦嘅鮮味再配埋薯蓉，十分正。金湯太子蔘羹，我初初以為係用一些比較珍貴嘅材料去燉出嘅湯，原來佢嘅金湯係指南瓜湯底，再配上爽口的太子蔘。紅酒燴牛肋條，好濃味的一個菜式，用上長時間炆煮，牛肋條又鬆又軟。生炒鴛鴦菜，用左芥蘭同埋菜心兩種菜。配上蒜蓉香炒。珍菌麥王單腳炒飯，平凡中的炒飯加上藜麥，令炒飯更加有嚼口。一位嚐鮮的價錢不過是268元，有滋味嘅私房食，真心勝價比好高。