日本野 (Closed)

朋友約我去旺角食日本野，講來講去唔知佢想食邊間，最後先知原來日本野係店名呢～環境光鮮大量原木裝潢，好有日本feel，美食選擇多，壽司、定食、丼飯、鍋物，都幾吸引，味道唔錯整體滿意。雞泡魚乾 $58魚干甜美有o趙口，令人食唔停口，作為小食/下酒菜一流。厚燒鰻魚玉子 $88蛋卷六小件，厚厚的玉子味道甜甜地，鰻魚餡料無骨可以放心食。海鮮大阪燒 $118面上舖上木魚及紫菜碎，增添動感，質地偏淋，掃了好多醬汁非常美味，內有很多椰菜及魷魚等海鮮，口感豐富美味滿足。牛油果軟殼蟹卷 $138壽司大大件，份量絕不吝嗇，壽司飯上舖滿木魚絲，多到快要掩蓋壽司飯，牛油果熟度適中入口即溶，軟殼蟹餡料亦夠香脆。