金牌牛什

Open Now

Now Closed

紅磡有好多唔同既小舖食店，麻辣燙、滷味、打冷、餃子、泰國野、麻辣、車仔麵、拉麵、日本野。。。。咩都有依次就食串燒舖頭名叫金牌牛什但我完全見唔到入面有人食牛什，主打串燒、車仔麵、小販檔小食、仲有酸辣粉個啲，特別特別講真串燒黎講算係幾多選擇，小食同特色野都幾ok，好多野都會想揀黎食，而且價錢算真係唔錯當然相對門面就無得點要求喇，大約12個位，細細地，但因為佢坐位同燒野分左兩個地方而且有野隔住，所以唔會好油煙或食完個個街上人都知你燒完野食咁，讚買夠十串就送一罐汽水，飲料都無屈你錢既，都幾抵架我就都係飲返啤酒算啦結果叫左錫紙什菇、燒茄子、尖椒、牛肉、雞肉、牛脷、雞中翼、豬頸肉、牛肉餅、墨魚須(鬚)，鍾意可以落埋辣粉，味道相當唔錯食物全部都正，又黎得快，係有一個就淡味啲，就係牛栢葉，不過其實都ok既，只係唔濃味錫紙什菇都幾好味下，蒜香味濃，唯一係種類少啲，一包金針菇同幾條秀珍菇即跟住就係終極好味燒茄子！非常蒜，加埋辣粉，非常野味，食到食其他野時想點下佢先食食下食下發現墨魚須(鬚)未黎，追左兩次後，突然係隔離枱個碟拎左串墨魚須俾我不過我都睇住佢個盤啱啱放上枱而佢地未開始食既，無礙墨魚須既美味，極力