Little Cove Espresso

Open Now

Now Closed

今日同朋友揸車出去西貢chill下食個tea，再一次黎到呢間充滿澳洲風格既café，其實【Little Cove Espresso】一直都係西貢人氣小店，性價比相當高，不過因爲都落雨既關係，好彩地可以唔洗排隊。今次我就點左份係澳洲好常見既French Toast同Affogato，但外觀同味道一啲都唔常見，更加可以話係結合視覺同味覺既享受🥰👀👃🏻🍞法蘭西多士 (French Toast) $98 (味道：5/5)一上枱已經俾佢既賣相吸引到，擺盤用左唔同顏色既材料點綴，絕對打卡必點。味道方面亦都俾滿分💯食第一啖時滿滿濃郁既奶油、玉桂、蜜糖既甜味，不過相對太甜。食第二啖時加埋個軟芝士（Mascarpone），淡淡既奶香岩岩好可以中和返本身多士既甜味同油膩感，成件事即便昇華左。另外除左多士本身既口感，開心果碎既脆口加埋芝士柔滑既感覺令成個層次好豐富。☕阿法淇朵 (Affogato) $48 (味道：3.5/5)另一個係澳洲必食甜品，咖啡同雪糕層次分明，入口首先感覺到Espresso既香味，之後再慢慢去到雲呢拿雪糕既味道，而且個雪糕都食得出絕對唔係平野。