包包傾老趙越南餐廳 (Closed)

越南菜老舖老趙選擇响白加士街內一個唔算太起眼嘅地方開分店，確實覺得有D奇怪...但諗深一層，老店嘅位置仲隔涉la。响呢度開，有何奇怪之有?新店主打嘅係法式三文治。講到呢樣嘢，翹楚絕對係佐敦八文樓入面嘅添記。究竟老趙嘅出品又如何呢?答案係: 都唔太差ge...扎肉、稔肉、醃蘿蔔絲、肝醬、青瓜片...樣樣落到足。包雖焗得不夠熱，但幾脆口，合格；欠缺嘅係黑胡椒及紅椒粒，所以食落亦冇元朗越式小店邦美蜀嘅出品咁惹味；多咗嘅係本人最討厭嘅莞茜，大皺眉頭...整體味道及材料平衡方面亦冇添記咁出色，但當然並不難食...可以叫食得過la...