下町天丼 秋光 (Closed)

去到銅鑼灣，想一試秋光嘅天丼有幾滋味。心諗咁多媒體報導過，應該好多人啦，應該要等下位掛，於是6:15去到。一入到去o咀了，因為入面空無一人，變相包場了。二話不說，點一個招牌五目天丼($250,未計加一), 應該係即叫即炸，等大約20分鐘，食物終於嚟喇！ 賣相100分，五目天婦羅包括了穴子，元貝，蠔，南瓜，蟹腳。熱騰騰天婦羅加左特制醬汁，好味，再試埋個飯，都係好好味嘅。個人其實喜歡個飯比較多，因為飯吸左天婦羅嘅油，又要醬油嘅味，而且可免費要多一碟醬汁，啱晒喜歡濃味嘅我，正！不過食得十幾分鐘，開始覺得唔對徑。事關小妹只吃了一半份量，而且開始覺得飽。始終成碗炸野，又油飯，食物仲開始凍左，變得無咁好味了，結果拼命食晒啲天婦羅，剩左啲飯。奉勸一句，要量力而為，大夥兒吃會比較易預份量，始終天婦羅熱食最好味。