星星 Pho Cha

Open Now

Now Closed

近日同一時間煲緊幾套韓劇，真係睇得超投入，所以又忍唔住拉埋幾個fd黎呢度朝聖，當正自己半個韓妹仔。首先梗係叫個部隊火鍋啦，唔係點稱得上係韓迷呀，見到劇入面D主角都成日拉大隊歎部隊鍋，一口泡菜、一口腸子，一口餐肉，睇落平凡，食落充滿風味，仲有大塊芝士mix埋公仔麵，非常豐富，如果可以同oppa一人一啖就好喇，哈哈~之後上枱嘅係人氣十足嘅醬油蟹，又係見到好多韓星必食，點可以唔跟？食法當然亦要跟到足，就係直接將紫菜飯加入蟹蓋內同蟹膏一齊拌食，咁樣就可以嘗真蟹嘅鮮味同鹹香，正~仲有記得之前睇running man，見到成員去左食牛排骨，食到好滋味咁，所以我地都order左特大牛仔骨+LA牛仔骨，店員好細心幫我地碎上，之後包入生菜送入口，惹味得黎唔怕太油膩，亦能豐富牛肉嘅口感~真係好羨慕韓國人可以成日食到咁多美食，黎呢度食總算係滿足我地一班韓粉嘅心癮啦！