北京老家 (Closed)

餐廳內槓裝修別具風味，枱上面會見到有盤金魚喺度游水，好有風格。涼菜熱食都好有水準，帕青瓜夠入味，海蜇頭爽口清新，個小籠包細細粒易入口，而且皮夠薄，肉質鮮甜，食完仲想再encore!麻婆豆腐唔算好辣，老少咸宜，糖醋骨做到好香口，脆皮而唔會成碟都係骨，上湯浸時蔬嘅湯好清甜，重點係食完唔會覺得好口渴，只要北京烤鴨就記得要預訂，有時賣晒就冇得食㗎啦，烤鴨塊皮夠晒脆，燒出嚟既烤鴨熱辣辣，脂肪比例比較少，食完唔覺得油膩！