Video
Read full review
2006-08-02
30 views
北歐菜在香港,一向非主流,以北歐菜打正旗號的餐廳,少之又少,最多人去的,相信會係IKEA的美食站.大家最熟悉的,應該係肉丸,同挪威煙三文魚等等.年前勝香園上面條善慶里的"Trapper"來去匆匆,今日,就剩下老蘭Tower的"FINDS".店名源自北歐五國之字頭,F=Finland,I=Iceland.N=Norway,D=Denmark,S=Sweden.如果照常理,應該可吃足五國之菜式.甫步進餐廳,分Bar同Dining兩區,格調又無想像中北歐般冰冷.只係覺得幾岩拖友來撐檯腳.有半露天位,理應是吸煙區吧.聽聞此店之Cocktail,愛用北歐名人來命名,打開個Cocktail list,不出所料,真係有幾個名人比此店擺上檯,不學無術的小弟,也睇到有兩大瑞典故美人英格烈褒曼同Greta Garbo.亦有在Model頂足廿年,前排在紅隧口,見到佢帶住隻Jacod & Co的丹麥小姐兼Supermodel Helena Christensen.當然,少不了冰島女皇Bjork,男子組,只識芬蘭冰人Kimi Raikkonen.友人對此不以為然,點杯Lychee算數,而我貪得意,來一杯Kimi
店名源自北歐五國之字頭,F=Finland,I=Iceland.
N=Norway,D=Denmark,S=Sweden.如果照常理,應該可吃足五國之菜式.
甫步進餐廳,分Bar同Dining兩區,格調又無想像中北歐般冰冷.只係覺得幾岩拖友來撐檯腳.有半露天位,理應是吸煙區吧.
聽聞此店之Cocktail,愛用北歐名人來命名,打開個Cocktail list,不出所料,真係有幾個名人比此店擺上檯,不學無術的小弟,也睇到有兩大瑞典故美人英格烈褒曼同Greta Garbo.亦有在Model頂足廿年,前排在紅隧口,見到佢帶住隻Jacod & Co的丹麥小姐兼Supermodel Helena Christensen.當然,少不了冰島女皇Bjork,男子組,只識芬蘭冰人Kimi Raikkonen.
友人對此不以為然,點杯Lychee算數,而我貪得意,來一杯Kimi.Vodka加薑啤,Lemon Grass,草莓,檸檬,味道不如冰人之冰冷,只覺得又酸又甜,岩女仔多一點.
打開個餐牌,流汗.乏善足陳,比想像中少很多選擇.非冬天關係,鹿肉野味唔多見,大眾Meatball,都係無,冰島甜蝦,都係無.頭盤點左個掛芬蘭為名,其實只係雜菜湯的Finnish summer vergetable soup.普普通痛.Lavaret三食,Lavaret係一隻長在瑞典湖泊的白魚,三食有淡煙燻moouse,其實係忌廉,點脆餅也還可.魚肉有Rocket菜鋪面,薯仔包底.魚肉以坊間吞拿魚做法,外熟內生.肉質鮮甜.不錯.貌似蛋包的是魚子醬加魚肉醬.典型魚子醬食法之一,只係拾蛋粒變成魚肉醬罷了.
主菜選擇,都係少得可憐,招牌菜式,竟得自家煙燻三文魚,同牛仔肉漢堡?不是嘛?幸好,也有點海鮮充斥場面.二百幾銀吃銀鱈魚又似乎同自己過唔去,來個從North Sea進口的比目魚,會唔會好一點?友人又係幾揀一,揀到爛,都係要個Younr lamp top side.
淺嘗友人之五成熟羊柳,肉質直頭吹得彈破,但唔夠羊味.睇個menu注解,此店羊肉是在澳洲入口.都係差不多.小弟個比目魚很新鮮嫩滑,滑過你用SKII.面頭的煎薯餅,倍添口感.碟上打到起泡的綠茶汁,怪怪的.底下的露荀同雜豆,竟然填得飽個肚.死未?
服務來講就真係好,好到你有點煩.除一眾Waiter車輪戰問你添唔添麵包外,應該係來自北歐的餐廳經理又經常走過來,都係問你添唔添麵包..
臨走每人派一張類似登機証的$50 cash coupon,下次來吃午餐,可當$50用.
開宗明義北歐菜,但吃不出北歐味來.價錢又唔平,再來的話,最多在檯上同Helena Christensen親熱去也.
Post
