皇室盛宴 (Closed)

今日約咗媽咪去中環行街，見有啲肚餓，就去皇后大道中附近食個晏先。喺openrice見到呢間餐廳幾抵食，於是就帶左媽咪上去試下。望落個餐牌幾吸引，見到其他人都係食緊帶子飯，但我又想食牡丹蝦刺身，就叫左份牡丹蝦刺身意大利飯。等左約15分鐘主菜就送到啦，牡丹蝦刺身有2隻，望落新鮮有光澤，食落肉質都彈牙爽身，好味。更想唔到意大利飯反而比牡丹蝦出色，第一次食有叉燒既意大利飯，仲食到有少少腐乳味，唔落芝士落腐乳去煮個意大利飯又幾得意幾特別，真係幾好味，值得一試。食完主菜有份甜品，係檸檬味雪葩，感覺好清，食完飲埋杯野就同媽咪去行街街。