Briketenia (Closed)

北角近來開左好多新商場，尤其係北角匯呢幢地標，吸引左唔少餐廳進駐。見今日遲放工又唔想煮飯，就去試試新意思😆餐廳唔算好大，但望到維港同店員服務好好，仲推介左抵食晚市套餐！1️⃣法式生牛肉他他🥩個牛肉他他配上鵪鶉蛋🥚，蛋汁份量剛好！唔會令到牛肉他他太濕，又可以食到牛肉嘅鮮甜味😋2️⃣煙三文魚布里芝士火箭菜沙律🥗第一次食到煙三文魚🐟同布里芝士🧀嘅配搭😙，煙三魚唔會太咸而芝士又唔羶！就咁配埋沙律一齊食已經好夠味☺️，唔洗加任何sauce!3️⃣燴牛面頰意大利飯🐮主菜就叫左個牛面頰🥩，舊肉都好大舊呀！配上意大利飯又唔會好膩😆，飯嘅軟熟度控制得好好！，牛肉又非常淋身易入口😋，個汁都調較得好入味，每啖飯都充滿牛嘅鮮味呀！4️⃣日式豬腩及豬鞍配薯蓉及蔬菜🐖🥬最後就係豬腩肉同豬鞍啦！初時睇落好似好乾身，但原來入口係好Juicy 同嫩滑又帶點肉質感🥰，豬腩肉又唔會好肥。再配埋佢嘅薯蓉一齊食，超滿足呀😍餐廳整體體驗都非常出色，每道菜都有驚喜，最緊要店員服務好好同坐得舒服！遲d要再黎先得😆